熊仔365日網存空間

我黎兌現承諾，由我開始寫網誌到而家從來冇寫過一篇粵語既網誌，今次為你破例，寫番篇台灣人唔太明既網誌，就當係我同你之間既秘密<<路過人：你以為我不懂用google嗎？

諗番起我地7月31號勾搭，然後就一直都冇乜聯絡，我有諗過係咪我冇玩神魔之塔，所以你就唔so我，但我真係唔識玩，所以冇辦法，就算啦！估唔到因為我寫左果篇劣作後，俾你呢個偵探發現左我個blog，從此我既心事都俾你窺探晒，其實我係一個好鐘意分享自己感受既人，所以我會寫網誌，我會同人傾計講好多自己感受，隱私對我黎講唔係話好重要，我意思我信人就基本上乜都講，當然我係信你唔會講出去先咁，冇諗過我地冇乜聯絡，但你成日記得我講過既野(我身邊既人真係冇乜好似你咁有心記我講既野，好多時我都要重複又重複)以致當你估中左我既心事時，我既警覺性就會突然間有，明明我係會分享，但又會專登唔講，然後問你，我係想知自己幾時同邊方面露出馬腳，因為我鐘意尋根究底，樣樣都想知點解，想知人咩情況下會咁諗野。

今日呢件事後，雖然你話你係因為八卦先鐘意睇我網誌，但我唔會相信你咁想八卦我，相信你係因為真係想關心我先會上黎，冇人會得閒o徙時間去睇無關痛癢既人既野咩？我只好好自大咁覺得你真係覺得好睇先睇，呵呵！

多謝你冇雙移我，仲原諒我無啦啦發脾氣，我成日講左d語氣重既說話，傷害左你，你都冇放棄繼續「關心」我，如果你個line快d好番，我地就可以每日都傾多d計！

最後，我想講好難得會有人去copy番我講過野，會在乎我講過既承諾，所以多謝你既八卦，令我有番d存在感！

究竟你會睇得明幾多呢？