由IG COPY過來，沒有轉換成書面語...
今次係我第16次飛首爾，估唔到仍然有第一次🤣
首先第一次自己一個人去澳門飛，第一次坐HKE,第一次一個人食橋村炸雞（就搞到食唔晒要拎走),第一次打後記🤣(坐HKE專享活動)
三日兩夜過得好快，又一個周末眨下眼就完，初初仲諗早知兩日一夜快閃就算。始終嚟得咁密，天氣咁熱，除左坐低飲嘢食嘢，我又真係冇咩地方好想去，最想去打卡嘅小新聯乘cafe去左，最靚嘅風景又睇左(fm)🥰,呢三日兩夜已經好圓滿，如果2日1夜好似再chur好多，一把年紀兩個半月内坐成3次凌晨機，已經要好多時間復原🤫 下次如果真係要2日1夜，真係要逼自己帶個20吋喼仔去好喇，今次買嘢買得仲多過我4月中嚟嗰次，旅行袋都出動埋，個喼都14kg，今次坐廉航，民宿又冇𨋢先買得咁努力，好彩喺深藍色線去Arex上落樓梯有行李運輸帶，唔洗我搬🫠
第一日
雖然又撞正啲每個月特別日子，但難得我今次冇特別腳痛，點知啱到澳門落船，行去入境就feel到左腳腳踭痛痛地，原來刮損左，冇諗過對舊鞋好爛唔爛，第一日就爛，月中先啱啱買左對新鞋，屋企又冇位擺咁多鞋，而且腳踭都已經損左，就算買對新都會痛(其實係因為窮)不過而家匯率低，上次同狹志都已經心郁郁想買..對買鞋真係好唔積極。
話就話窮遊，但食嘢飲嘢方面冇左狹志睇住，第一餐正餐小新cafe我就開始亂點，然後每一餐都over budget (小新開心就得)..以致買嘢我反而忍手左, 令人驚訝係喺香港嘅狹志竟然鬆手左，叫我幫佢買Pantone充電器，又到我又心大心細冇買到👉🏻👈🏻覺的hand carry 咁多舊充電器好重。
晚餐燒肉又係over budget，如果狹志去一定叫最平嗰份燒完就走，點會好似我咁，俾1000won換盤又加肉😑但一人燒肉，再一個人嚟時，希望佢冇執，想燒多次🤣
本來行程係新村食完嘢就去弘大行街食完嘢又行下弘大就返民宿休息，但喺對鞋刮腳下，我仲改行程臨時去合井行homeplus，行合井homepluse，好似都係我半固定行程，成日都去🤣
最sad係喺弘大永庫文庫行左4次都冇買到本ELLE(Yuri內頁),一直諗住食完嘢，真係返民宿先買，但臨時改去合井，諗住教保有，又冇買！人算不如天算，點諗到教保係冇ELLe買，反而允嗰本allure有佢封面，唯有先買，心又要盤算點買番本ELLE!🙄
第二日
第一晚又成2點鬆先瞓，7點又醒左，之後都只係斷斷續續瞓到9:00就準備刷牙沖涼洗面食issac,都冇坐得幾耐又要行街，其實街好熱好曬，個袋太重我又冇拎遮同太陽眼鏡，真係想一直坐🤣
用我意志力，克服腳痛同曝曬，去打機。
全個trip最唔抵就係麻辣燙，不過係我點得太多，其實佢有碗仔，預人2個人食都得🙄
我終於喺新村嗰間好細弘益文庫到揾到ELLE,唔洗嘥時間再去弘大✌🏻
返到民宿卸貨後，真係唔想行街，只想涼冷氣，飲貢茶同叉電，但為左飲得切貢茶都係趕住去新道林拎飛。
見面會後記~番外
尋日一邊食炸雞，一邊打後記，發現打漏左，除左
嗰7首歌展現到唔同嘅佢，其實玩遊戲同Talk都俾我地睇到綜藝人嘅佢，如果我識聽嘅話，相信感受會更加大，先頭話會同粉絲更大互動，我以為又請人上去玩遊戲，原來唔係..係有個臨時聊天群，scan左個code ，sd msg佢會睇，就會睇到粉絲反應同交流，啲韓飯sd d貼圖好抵死🤣呢方面唔知其他場次會點安排，如果用翻譯軟件，應該會好多笑話，俾佢感受下收到bubble嘅我地，平時都係一頭霧水。🤓😏
又開始期待..台灣場識聽會點，內容又會有咩分別呢？🤪
第三日
第一次坐HKE後感
今次坐細機（一排6個位，左右各3個位）
又冇想像中咁逼(小新：緊係啦，我地咁fit 廣志：係好彩隔離瘦 ) , 好彩我check in時又揀左走廊位(無論坐咩機都鐘意坐外面)，好過坐中間咁大壓逼感，但就有少少簡陋感，原來係會冇頭墊(雖則好多頭墊個位都唔啱，唔係特別舒服)，但冇左個頭墊位，有少少似坐高鐵😂 唔知係咪細機，感覺冇其他公司咁平穩，有少少似跟學校坐旅遊巴去烏溪沙/西貢渡假村玩咁，都好適合瞓覺，所以我而家一邊打字一邊中緊眼瞓，唔經唔覺就打左2個鐘，係時候瞓陣。
PS.今次袋定張sim卡喺身，但枝針喺個喼到😅
厚住面皮問隔離位借枝俾我桔一下😂😂
估唔到明明delay左半個鐘先飛，都準時降落，第一次喺停機坪落機上旅遊巴，落車上去就E道，都幾方便！
